ÂRDÈNE
ARDENNE
![](https://i0.wp.com/www.beljike.be/wp-content/uploads/2019/04/HôtèsFagnes01.jpg?w=1080&ssl=1)
l' Ârdène (l'Ardenne) (foto / photo: lès Hôtès Fagnes / les Hautes Fagnes)
ZINZEN
Ardène
Qui v’s-èstîz bèle èt l’ ér wiyeûse
D’vins lès foûrs, âs broûlantès-eûres.
Ou à vosse brès’ on grand moûdeû.
Bèle Ardène, todi dji v’ riveû.
Tchapê di strin, ou l’ barada,
Come c’ èst d’djà Ion tot çoula.
 fènâ meûs, dizos l’cîr, bleû.
Bèle Ardène, todi dji v’ riveû.
Vos brès’ hâlés come li neûhète
À l’ fin d’ l’ osté, quand l’ è-st-hayète
Avâ lès djàbes dizos l’ cîr di feû.
Bèle Ardène, todi dji v’ riveû.
Mins vosse visèdje a bin candjî
Vos n’ èstez pus çou qu’ vos-èstîz.
Vos fez l’ hosse-quowe, dj’vès hututu .
Bèle Ardène, dji n’ fis ric’nohe pus.
Rodje so vos lèpes èt cigarète,
Hôts talons, vos fez I’ mamesulète
Èt vosse passé, vos dansez d’ssus.
Bèle Ardène, dji n’ fis ric’nohe pus.
Èt l’ francès pète è vosse mohon.
On n’ î ôt pus nosse vî walon.
Vos toûrnez l’ tièsse à çou qu’ a stu.
Mi bèle Ardène, vos n’ l’ èstez pus.